സിബിഐ പരമ്പരയുടെ അഞ്ചാം ഭാഗത്തിൽ തിരക്കഥാകൃത്ത് എസ്എൻ സ്വാമി, സംവിധായകൻ കെ മധു എന്നിവരോടൊപ്പം മമ്മൂട്ടി വീണ്ടും ചേരുന്നു. സേതുരാമ അയ്യർ എന്ന സിബിഐ ഓഫീസറായി മമ്മൂട്ടിയുടെ തിരിച്ചുവരവ് കൂടിയാണിത്. അദ്ദേഹത്തോടൊപ്പം അഭിനേതാക്കളായ മുകേഷ്, സായ് കുമാർ എന്നിവരും യഥാക്രമം ചാക്കോ, സത്യദാസ് എന്നീ കഥാപാത്രങ്ങളെ അവതരിപ്പിക്കുന്നു. ജഗതി ശ്രീകുമാറും അതിഥി വേഷത്തിൽ എത്തുന്നുണ്ട്. അനൂപ് മേനോനും സുദേവ് നായരും പോലീസ് വേഷത്തിൽ എത്തുമ്പോൾ ദിലീഷ് പോത്തൻ ഒരു രാഷ്ട്രീയക്കാരന്റെ വേഷത്തിലാണ് എത്തുന്നത്. രഞ്ജി പണിക്കർ, അലക്സാണ്ടർ പ്രശാന്ത്, രമേഷ് പിഷാരടി എന്നിവരും സിബിഐ സംഘത്തിലുണ്ട്.
സൗബിൻ ഷാഹിർ, ആശാ ശരത്, അന്ന രേഷ്മ രാജൻ, മാളവിക നായർ, സ്വാസിക, അൻസിബ ഹസ്സൻ, കോട്ടയം രമേഷ് തുടങ്ങി നിരവധി പേർ സഹതാരങ്ങളുടെ ഭാഗമാണ്. സംഗീതം ജേക്സ് ബിജോയ്, ഛായാഗ്രഹണം അഖിൽ ജോർജ്.
Comments
Post a Comment